Առողջության պահպանում
2025թ․ Լոս Անջելեսի հրդեհներ

Իմացեք, թե ինչպես լինել անվտանգ և պահպանել առողջությունը վերականգնման ընթացքում:

Օդի անվտանգություն

Ստուգեք օդի որակը և ինչպես պաշտպանվել տոքսիններից:

Դրսի օդի որակ

Այժմ, երբ հրդեհները մարվել են, օդի որակը բարելավվել է։ Սակայն կարող եք ստուգել օդի որակի ինդեքսը (air quality index, AQI) South Coast-ի Օդի որակի մշտադիտարկման շրջանի կողմից:

Ստուգեք, թե ինչպես է վերահսկվում օդի որակը Ձեր տարածքում։

Ներսի օդի որակ

Հնարավոր է, որ Ձեր տանը դեռ ծխից և մոխիրից տոքսիններ լինեն: Տուն վերադառնալիս՝ կրեք ռեսպիրատոր և այլ պաշտպանիչ միջոցներ:

Ջրի անվտանգություն

Հրդեհների հետևանքով աղտոտվել են ջրամատակարարման որոշ համակարգեր։ Գտեք ջրի անվտանգության մասին վերջին տեղեկությունները Ձեր ջրամատակարարից: Ստուգեք Ձեր ջրի հաշվարկագիրը՝ Ձեր մատակարարին գտնելու համար։ Եթե վարձակալ եք, հարցրեք տան սեփականատիրոջը: 

Եթե Ձեր ջուր մատակարարողը ծանուցում է ուղարկել, ապա Ձեր ջուրը կարող է անվտանգ չլինել օգտագործելու, խմելու կամ եռացնելու համար։ Եթե նմանատիպ ծանուցում եք ստացել, օգտագործեք շշալցված ջուր հետևյալի համար․

  • Խմել
  • Մանկական սնունդ
  • Ատամները խոզանակով մաքրել
  • Սպասք լվանալ
  • Սառույց պատրատել
  • Սնունդ պատրաստել
  • Ընտանի կենդանիներին կերակրել

Եթե Ձեր ջրամատակարարը հեռացրել է Ձեր տարածքում ջրի մասին նախազգուշացման ազդանշանը, Դուք կարող եք կրկին օգտագործել ծորակի ջուրը: Լվացեք ջրի խողովակները՝ Ձեր տունն աղտոտված ջրից մաքրելու համար: Հիշեք, որ տնային ջրի ստուգման պարագաները հուսալի չեն:

Նաև ստուգեք լողափի ջրի որակի վերաբերյալ խորհուրդներ: Անձրևը կարող է հրդեհներից տոքսինները լցնել օվկիանոս:

Լինել ապահով տանը

Տուն վերադառնալու թույլտվություն ստանալուց հետո զգուշացեք թունավոր նյութերից և մոխրից:

Վտանգավոր թափոնների մաքրում

EPA-ն տնային վտանգավոր թափոնները հեռացրել է այրված սեփականությունից:

Նրանք հեռացրեցին թունավոր և պայթուցիկ նյութերը, որոնք կարող էին տեսնել: Սա ներառում է այնպիսի բաներ, ինչպիսիք են ներկերը, մարտկոցները և պրոպանի բաքերը: Այս ծառայությունն իրականացվել է ավտոմատ և ոչ մի վճար անհրաժեշտ չէ։  

Եթե EPA-ի կողմից Ձեր տունը մաքրելուց հետո դեռևս վտանգավոր թափոններ եք տեսնում, ձեռք մի տվեք դրանց: Այն թունավոր է և կարող է ավելի շատ հրդեհներ առաջացնել: Եթե լսում եք ճթճթան կամ ֆսսացող ձայն, կամ ծուխ եք տեսնում, անմիջապես լքեք տարածքը և զանգահարեք 911։

Եթե Դուք աշխատում եք հրդեհների մաքրման վայրում, պարզեք, թե ինչպես պետք է անվտանգ մնալ աշխատանքի ընթացքում:

Իմացեք ավելին EPA մաքրումների և հաջորդ մաքրման փուլի մասին:

Մոխիր, փոշի և բեկորներ

Պաշտպանվեք մոխրից, փոշուց և բեկորներից։ Դրանք կարող են պարունակել թունավոր և քաղցկեղ առաջացնող քիմիական նյութեր, ինչպիսիք են ասբեստը, արսենինը և կապարը։ Սահմանափակեք շփումն այս նյութերի հետ:

Որոշ խմբեր ավելի զգայուն են այս նյութերի նկատմամբ։ Նրանք պետք է հեռու մնան աղբից և մաքրման աշխատանքներից։ Այդ թվում՝

  • Սրտի կամ թոքերի հիվանդություններ ունեցող մարդիկ (օրինակ՝ ասթմա)
  • Տարեց անձինք
  • Հղի կանայք
  • Երեխաներ
  • Ընտանի կենդանիներ

Եթե Դուք կարող եք տեսնել մոխիրը և զգալ ծուխը, ապա պետք է մաքրել Ձեր տունը: Ոչ մի լաբորատոր հետազոտություն չի կարող որոշել, թե արդյոք Ձեր անշարժ գույքն ապահով է: 

Թաց լվացքով կանխեք մոխրի տարածումը: Բեկորներն ու մոխիրը դրեք պլաստիկ աղբի տոպրակի մեջ և դրանք թափեք սովորական աղբի հետ: Եթե մոխիրը հայտնվի Ձեր մաշկի վրա, հնարավորինս շուտ լվացեք տաք ջրով և օճառով: Անվտանգության համար կրեք հետևյալը:

  • N-100 կամ P-100 շնչադիմակ
  • Ռետինե ձեռնոցներ
  • Կոշիկի պաշտպանիչ ծածկոցներ
  • Երկար թևքերով վերնաշապիկներ
  • Երկար տաբատներ
  • Գուլպաներ և կոշիկներ
  • Պաշտպանիչ ակնոցներ (ոչ թե սովորական ակնոցներ)

N95 դիմակները չեն կարող պաշտպանել Ձեզ ասբեստից: Իմացեք ավելին Ձեզ պաշտպանող ռեսպիրատորների մասին: Դուք կարող եք անհատական պաշտպանիչ սարքավորումներ ստանալ Աղետներից վերականգնման կենտրոնում:

Իմացեք ավելին տուն վերադառնալիս փոշու և բեկորների հետ վարվելու մասին:

Առողջություն և բարեկեցություն

Բժշկական օգնություն

Ստացեք անհրաժեշտ դեղորայքը դաշնային Արտակարգ իրավիճակների դեղատոմսերի օգնության ծրագրի միջոցով: Այս ծրագիրն օգնում է առանց ապահովագրության մարդկանց փոխարինել դեղատոմսերը կամ բժշկական սարքավորումները:

Ստացեք օգնություն անձամբ Աղետների վերականգնման կենտրոնում: Բուժքույրերը կարող են Ձեզ կապել ուղեգրերի և դեղորայքի հասանելիության հետ:

Եթե Ձեզ անհրաժեշտ է առողջության ապահովագրություն, հնարավոր է, որ կարողանաք ստանալ Medi-Cal։

Հոգեկան առողջություն

Աղետից վերականգնման ընթացքը սթրեսային և ծանրաբեռնված է: Ստացեք հոգեբանական և հուզական աջակցություն Ձեզ և Ձեր հարազատների համար:

Զանգահարեք CalHOPE Warm Line՝ 24/7 հասակակիցների կողմից կառավարվող թեժ գիծ: Այն տրամադրում է անվճար և գաղտնի հուզական աջակցություն: Գտեք ավելի շատ անվճար և գաղտնի աջակցություն երիտասարդների և մեծահասակների համար:

Ստուգեք՝ արդյոք Ձեր աշխատավայրն ունի Աշխատակիցների օգնության ծրագիր: Նրանք կարող են առաջարկել գաղտնի խորհրդատվություն և աջակցություն:

Նպաստներ աղետների հետևանքով վնասվածքների համար

Եթե Դուք կամ Ձեր հարազատները վնասվածքներ են ստացել անտառային հրդեհների հետևանքով, հնարավոր է, որ իրավունք ունենաք նպաստներ ստանալու:

Հաշմանդամության ապահովագրությունը տրամադրում է կարճաժամկետ աշխատավարձ, եթե վնասվածքը խանգարում է Ձեզ աշխատել:

Վճարովի ընտանեկան արձակուրդը տրամադրում է նպաստներ, եթե Դուք պետք է արձակուրդ վերցնեք ծանր հիվանդ ընտանիքի անդամին խնամելու համար: